تو تطلع

انا قلتله :
توة تطلع
وما يوم فرجوعها دقيقه تطمع
هي الخاطية ولازم الثمن بتدفع
منك يا قلب توة تطلع ....

قلبي :
كلامك فاضي
تحبها ونا ديمة عليها راضي
هي الحاضر ومستقبلي والماضي
ماتتعب روحك نا عندى كلامك فاضي ......

انا :
عصيتنى ودرته كلامى فاضي ....عاديتنى وماحد فيك بيشفع
انسللك ونرميك مع قديم اغراضي ... والدم عليك من وريده نقطع

قلبى :
ماينفعك تهديدى
نا عارفك ضعيف وامرك فيدى ...لكلامى واجب عليك بتخضع
وان فكرت لحضه فقطع وريدى ....انتعبك ومهناك طب فيك بينفع

لقيته ماينفع فيه تهديد قلت نرطب معاه الدوة شوية وقلتله :

والنبي ماتزعل
يا قلب نويرة في كنينى تشعل
مانك غابي ولاك منلي تجهل ..خطاها معاي شين لين مسمع
نا غايتى بس منك ترحل .... ننساها والاحزان معاها ترفع

رد قلبي :
انا نبيها
ونا صحيح ساكن فيك لكن ليها ....وبيدك عقود ملكيتى ليها موقع
تره نوض قللنى بالله بنناجيها ... راهي من حوشها قريب بتطلع
نكحل اعيونى في دفا مياميها ...وكلامك لولي ماعاد منك نسمع

ماعاد عندى مانقول الا :
زى العادة
هادا قلبي وعارف صعيب عنادة ....يخطط ونا دوم فيه بنتبع
كيف اندير شورو علي ياسادة ... خلانى حطيكة تعالي واسمع .....