ع الدارر

دار قديمك حول عنها *** تلقط غير علايل منها

الدنيا ماهي دار ركاح *** غلا واجد درناه وراح

العقل قالي بالعقل *** ادير عزم وديار خاليه

اجداب شين جالدار *** يبس وطاك نين شققت

دار جداب ونسها غايب *** غير عليها ماني تايب

عندي دار عربها غابو *** لا ينتسيو ولا ينجابو

ارياف داربي يادار *** عزيز فيك مو فيك جايك

فالدار كيف انريد انطول *** ونا كفيف والقايد اذهب


تسكب اتريد الدار .. من كثر البكا طاحت غفت

قدامك امفيت الدار .. يا نويرتي وين بارمه

مازلتى يادار عربنا .. نعتزوبك وين طربنا

ما القيت دمع نبكى بيه .. و لا القيت عزم يا دار نهلبك

لها زمان ما تنزار .. طعمة دار لولاف غايبه

نمشي للدار ايجيبوني .. نبكي منعميات اعيوني

ان كان ذنب ياما شلت .. و ان كان اجر فى داره بكت

دونك للدار و زوريها .. كبى كل ادموعك فيها

علي ماظقنا من نيران ***وخيدة يانار الجيران

خايلت فيك خيال .. نحساب هلك يا دار روحوا

ربيع دار فيه العقل يحسا به زها عا ود بكاء

كنيب النصيب يجيب عزيز فيك يا دار نقعدوا

مازال ياالعين ايجول العقل في جلاوي اديراهم

حاست خذيتها للدار*** عميتها وما نريدها لها

لو كان كــل شيء يا عين*** يلقى إلا موح دارهم

إن نامت العين تجيـب*** سريب نـاس موح دارهــم

يطافــــر نهـدى فيه*** العقل واجعة موح دارهـــم

خلا قديم لنا دار*** واللي موش مليوع مايجي

انحودد ايامي فيك ***عطيت عهد يادار لجلهم

مليت من البكا فى الدار*** وطاول تصويتها على

كبيه يا العين الدمع ***على عزيز داره مقابله

بكيت فيك نين ابطلت*** ان جاء عزيز يادار اشهدى

نمشى شور الدار امرايف .. وانعاود مليان حسايف.

نحسابها إلا مداواة .. وطيت دار ضريتك ضرر

عارف ما فيها لولاف ... امغير كلي كبدي لريااااااف

كبيره عليه العقل *** تجفاه دار ويعاود لها

نبرم فى داره انتفقد...مانحساب عزيز اسقد

رجف جلدي يا دار امناي .. انتِ وينك قيسك يالاي