إخلاف إبنيه ..

إخلاف إبنيه ..
ماهناك مايفســــد الود قضيه
اللـــــــــى بينا ماتديرلا هميه
لاتشيل لا تبكى على لاتحير
زعلان أرضى وأفهم إللى فيا
وخليه عقلك ف الصعاب كبير
مازلت غالـــــى يا عزيز عليا
ومازلت ماننساك مهما إتدير
ومازلت رانـــــى لك وانت ليا
ومازل شوقك حلم بيه إنطير

إخلاف صحيح ..
ومهما خذانا الدمــــع والتنويح
عــــــــارف غلانا مانـهار إيطيح
رغم الظـــــــروف إنقدره تقدير
ولو شال قلبك وإنجرح تـجريح
وسامع كلام او وصلوه الغير
صيور يمشى مع هبوب الريح
ويعود ودك بالاشــــــواق عزير
ولحضة جفانا تنتهــــى وتريح
وحبل الملامة ف الغرام قصير

ظروف خذنه.. ندعيله مع غيرى حياه ايتهنى,,,,,,لوكان من عينى,,,,,,,


حتى انكان ظروفه..فيهن خطاء مكتوب فى مضروفه

غالــــى على وما انريد انشوفه..ايميـلن عليه ايـــــــام ويبكنــــه

ومازلت شايل صــــــورته وحروفه..ومازلــت فـــــى عيبه انتعذر عنه

ومازلت فى عقلى انقول حسوفه..اياما وكنــــــت امعاه وسط الجنه

ومازلت ما ننســـى زهاء معروفه..وقدرى الكبير اللى خذيته منـــه

حتى انكان اخلاف..والقسم ناهى بينا المطــــــاف

مازلت شايل فى كنينى ارياف..وده وقـــربه ف الحياه انتمنــــى

ومازلت من شوقى عليه انخاف..بــيه يعكســـن ليام ويــــذلـنــه

ومازلــت دوم انقولــــــه اعتراف ..من غير ودك ما لقــــيت محنه



ظروف خذنه.. ندعيله مع غيرى حياه ايتهنى,,,,,,لوكان من عينى,,,

يا بختك يا بدر الليـــــل..عندك صبـــح تغفي فيه
لانك شايل حمل ثقيـــل..ولا أنت معاني اللي معانيه
الخاطر من حرقة وهمــوم..وجفني اللــي ما غفّا يوم
ولا ذوقني طعم النــــوم..تقول مسـخّر نبــكي بيه
القمر:
ليش وايش أسباب عذابك..وايش اللـــــي خلاك تحير
فضفضلي وافتحلي كتابك..واطمـــــــن سرك في بير
ونا عالياس معاك سنـد..ضـاوي نـــوري خيـر وود
وقبلك ياما مــــالاحد..شكـولـي وكنـت بنصح وجيـه
الشاعر:
باهي نحكيلك شن ساير..واحـــكم منهـو اللي غلطـان
لقيت حبيبي غيري دايــر..معشوق وبــــاع اللي كان
نكرني وين المال أغـراه..تجاهل كــــــل أيام هـواه
وكافاني بظلمه وخطــاه..مش عـارف كيـف هنت عليـه
القمر:
اسمعني نعطيك نصيحــة..ودير اللــــي تلقاه صواب
قبلك ياما قلوب جريحــة..كـانوا بــود وشوق أحبـاب
ولكن رضيوا بالمــكتوب..القسميـــه ما منها هـروب
تباعد واصبر وانسي صوب..الخاطـــــي مولانا يـجازيه
الشاعر: توفيق قادربوه

ما أروعك ماأروعك ما أروعك حلووووووووووووووووو مشكور علي هدي الابيات نتمنا منك الجديد